Qendra jonë e gjirit është pika juaj e parë e kontaktit pasi ju ose mjeku juaj zbuloni një anomali të paqartë në gjirin tuaj. Gjatë konsultës të posaçme do të njiheni me specialistët tanë. Në shumë raste është e mundur të përjashtohet një sëmundje kanceroze.
Edhe nëse do të ketë një diagnozë të qartë të “kancerit të gjirit”, një numër i madh pacientësh mund të shërohen plotësisht. Në shumë raste, kanceri i gjirit i zbuluar në fazë të hershme mund të operohet në mënyrë delikate për gjirin dhe sistemin limfatik. Parakusht për këtë është aplikimi i procedurave më moderne diagnostike dhe terapeutike.
Së bashku me ju dhe të afërmit tuaj gjatë konsultës së gjirit do të përcaktojmë procesin e mëtejshëm të terapisë. Një ekip ndërdisiplinor me gjinekologë, një specialiste (infermiere e kujdesit të gjirit) e trajnuar posaçërisht për pacientet dhe pacientët me kancer gjiri, radiologë, terapistë rrezatimi, patologë, onkologë dhe këshillues gjenetikë do të vendosë së bashku me ju gjatë një konsulte javore për trajtimin tuaj të mëtejshëm. Ne marrim parasysh gjithmonë njohuritë më të fundit shkencore dhe për këtë arsye jemi gjithmonë në një hap me kohën.
Ekipet tona mjekësore punojnë ngushtë dhe duke u koordinuar me specialistët e infermierisë, psikoterapisë dhe psiko-onkologjisë. Këshilluesit shpirtërorë plotësojnë dhe mbështetin mjekët dhe personelin e infermierëve gjatë punës të tyre të përditshme. Përveç kësaj, ne bashkëpunojmë me një rrjet të gjerë mjekësh specialistë rajonalë.
Qendra jonë “Brustzentrum Zürich Plus” në bashkëpunim me partnerin tonë Brust-Zentrum Zürich, u ofrojmë pacienteve tona një vlerësim gjithëpërfshirës dhe profesional, si dhe trajtim për sëmundjet e gjirit.
